ಹಿಂದಿನ ಪೋಸ್ಟ್ ಗಮನಿಸಿದಿರಲ್ಲ ..
ಬನ್ನಿ....
ವೈಜ್ಞಾನಿಕ ಮನೋಬಾವನೆ :
`ಆರೋಗ್ಯ ಕಲೆ ' (ಆರು+ಯೋಗ್ಯ) ಯ ಆರು ಯೋಗ್ಯ ಸುರಕ್ಷಿತ ಪಾಲನಾ ಕ್ರಿಯೆಗಳನ್ನು ಚಾಚೂ ತಪ್ಪದೆ ನಡೆಸಿಕೊಂಡು ಹೋಗುವ ಮತ್ತು ಆರೋಗ್ಯ ಸುಧಾರಣೆ ಮಾಡಿಕೊಳ್ಳುವ ವಿಧಾನವೇ `ಆರೋಗ್ಯ ಕಲೆ'.
ವೈಜ್ಞಾನಿಕ ಮನೋಬಾವನೆ -
೧) ಸಮಯಾನುಸಾರ ದೇಹಸ್ಥಿತಿ, ನೈಸರ್ಗಿಕ ಗುಣಮಟ್ಟದ ಅರಿವು
೨) ಸಮರ್ಥ ಆಹಾರ ಪ್ರಜ್ಞೆ
೧) ಸಮಯಾನುಸಾರ ದೇಹಸ್ಥಿತಿ, ನೈಸರ್ಗಿಕ ಗುಣಮಟ್ಟದ ಅರಿವು-
ಆರೋಗ್ಯ ಸುಧಾರಣೆಗೆ ಮೊದಲನೆಯದಾಗಿ ಸಾಂದರ್ಭಿಕ ದೇಹದ ಸ್ಥಿತಿಯನ್ನು ಅರಿತು ಮುನ್ನಡೆಯಬೇಕು,
ನಾವು ಆಹಾರ ಸೇವಿಸುವ ಸಮಯಕ್ಕಿಂತ ಮುಂಚೆ, ಅಂದರೆ ಹಿಂದಿನ ಸಮಯ ಅಥವ ಹಿಂದಿನ ದಿನ ಸೇವಿಸಿದ ಆಹಾರ ಏನು? ಏಕೆ? ಎಷ್ಟು? ಸೇವಿಸಿದ್ದೇವೆ ಎಂಬದನ್ನು ಅತ್ಯಲ್ಪ ಸಮಯದಲ್ಲೇ ಗಮನಕ್ಕೆ ತೆಗೆದುಕೊಳ್ಳುವುದು,
ನಂತರ ಹೀಗೆ ಸೇವಿಸಿದ ಆಹಾರ ಆ ದಿನದ ದೇಹ ಶ್ರಮಕ್ಕೆ ಸರಿದೂಗಿತೆ, ಜೀರ್ಣಕ್ರಿಯೆ ಫಲಿಸಿತೆ, ಆಲಸ್ಯ, ಅಜೀರ್ಣತೆ, ಜಠರ ಗಟ್ಟಿಯಾದಂತಾಗುವುದು ಮತ್ತು ದೇಹದ ಇತರ ಯಾವುದೇ ಅಂಗಾಂಗಗಳಲ್ಲಿ ನೋವು ಅಥವ ಬಿಗಿತ ಕಂಡುಬಂದಲ್ಲಿ ಮೇಲ್ಕಾಣಿಸಿದ ಸರ್ವೇ ಸಾಮಾನ್ಯವಾಗಿರುವ ನಂಬಿಕೆ ಅಪನಂಬಿಕೆಯ ನಡವಳಿಕೆಗಳಿಗೆ ಅವಲಂಬಿತವಾಗದೆ ಇವುಗಳ ಮೂಲ ಸೂಕ್ಷ್ಮ ಕಾರಣವನ್ನು ಅರಿಯಲು ಪ್ರಯತ್ನಿಸುವುದು,
ಹೀಗೆ ದೇಹದ ಯಾವುದೇ ಅಂಗಾಂಗದಲ್ಲಿ ಅನಾರೋಗ್ಯದ ಬಗ್ಗೆ ಒಂದು ಸಣ್ಣ ಸಮಸ್ಯೆ ಕಂಡುಬಂದರೂ ಕೆಳಗೆ ಕಾಣಿಸಿದ ಯಾವುದೇ ಮೂಲ ಕಾರಣವಿರಬಹುದು -
ಸೇವಿಸಿದ ಆಹಾರವು ಸುಲಭವಾಗಿ ಜೀರ್ಣವಾಗಲು ದೇಹ ಯಾವುದೇ ರೀತಿಯ ಶ್ರಮದ ಕೆಲಸ ಮಾಡದೇ ಇದ್ದಿರಬಹುದು,
ಆಕಸ್ಮಿಕವಾಗಿ ಪ್ರಕೃತಿಯ ವಾತಾವರಣದಿಂದಲೂ ಅನಾರೋಗ್ಯದ ಸಮಸ್ಯೆಗೆ ಕಾರಣವಾಗಿರಬಹುದು, ಇಲ್ಲವೇ ..
ಯಾವುದೇ ಒಂದು ನಿರ್ಧಿಷ್ಟ ಆಹಾರವನ್ನೇ ಪದೇ ಪದೇ ಅತಿಯಾದ ಆಸೆಯಿಂದ ಸೇವಿಸಿರಬಹುದು,
ಸೇವಿಸಿದ ಆಹಾರ ಸುಲಭವಾಗಿ ಜೀರ್ಣಿಸಲು, (ಸೇವಿಸಿದ ಆಹಾರಕ್ಕೆ ತಕ್ಕಂತ ಪ್ರಮಾಣದಲ್ಲಿ) ಸಾಕಷ್ಟು ಶುದ್ಧ ನೀರನ್ನು ಸೇವಿಸದೇ ಇದ್ದಿರಬಹುದು.
ಹಾಗೆಯೇ ನೈಸರ್ಗಿಕ ಗುಣಮಟ್ಟದ ಸ್ಥಿತಿಯನ್ನು ಅರಿಯಲು ಪ್ರಯತ್ನಿಸಬೇಕು ... ಅಂದರೆ -
ಆಹಾರ ಸೇವಿಸುವ ಸಂದರ್ಭದಲ್ಲಿ ಪ್ರಕೃತಿಯ ಹವಾಮಾನದ ಗುಣಮಟ್ಟವು, ಚಲಿಗಾಲದ-ಅತಿ ಹೆಚ್ಚು ತಂಪು ಹವಾಮಾನವಿದೆಯೇ, ಬೇಸಿಗೆ ಕಾಲದ ಅತಿ ಹೆಚ್ಚು ಉಷ್ಣ ಹವಾಮಾನವಿದೆಯೇ ಮತ್ತು ಮಳೆಗಾಲದಲ್ಲೂ ಹವಾಮಾನದ ಸ್ಥಿತಿ ಹೀಗೆ ಎಲ್ಲ ಹವಾಮಾನವನ್ನು ಗಮನಿಸುವುದು ಸಂದರ್ಭಕ್ಕೆ ತಕ್ಕ ಆಹಾರ ಸೇವಿಸಲು ಮುಂಜಾಗ್ರತಾ ಕ್ರಮವಾಗುತ್ತದೆ .
`ಮನ ಬಂದಂತೆ ಆಹಾರ ಸೇವಿಸುವುದು ಮನಸಿಗೆ ಹಿತ,
ಮತಿಯಿಂದ ಆಹಾರ ಸೇವಿಸುವುದು ಹೊಟ್ಟೆಗೆ ಹಿತ,
ಮನ ಮತಿ ಒಂದಾದರೆ ಉತ್ತಮ ಆರೋಗ್ಯವೂ ಸನ್ನಿ ಹಿತ'
ಮುಂದಿನ ಪೋಸ್ಟ್ ಗೆ ಹೋಗಿ ....
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ